Cirkoo gaaxday roobkiyo
Seymahii ku rarnaa
Rabbi nooga shubayoo

Rabtii ay Warsheekh aheyd
Ku rusheeyay reedaha

Oo ay rogaal celin
kolba sida ruuqaansiga
Riinkiyo gufaacada
Ka ridaaya dhinacyada

Sida loogu reeyaan
Haboon kuu Riyaaqayoo
Naftaad Raalli Galisee

Intaan dul joogo
Raas adduun
Haboon Ma rabo
Ruux kalee

Haween ka rooneey
Soo ruclee
Adaa Rasmigii
Ruuxii  ahee


Dhulkoo reys qaboobiyo
Reexaan udgoonloo
Dhirtu rucub Magooliyo
Ramaaska iyo doogii
Rasmi uu usoo baxay
 
Oo Ramaadka Geeliyo
Ri'yihii iyo  lo'doo dhalay
Rugtii Wabiga Jowhar
Reedaha ay daaqaan

Sida loogu reeyaan
Haboon kuu riyaaqayoo
Naftaad Raalli galisee

Sida loogu reeyaan
Haboon kuu riyaaqayoo
Adaa ii Rafiiqeee

Intaan dul joogo
Raas adduun
Haboon Ma rabo
Ruux kalee

Faceed ka rooneey
Soo ruclee
Adaa Rasmigii
Ruuxii  ahee